Édizioni Éoliennes, 2022
Inde u so " Trattatu di i culori", Goethe parla di a differenza da fà trà i culori "oghjettivi" di l'oghjetti osservati è i so culori "sughjettivi", quelli chì sò "propii à l'ochju chì osserva". È più in dà: " Ùn ci hè nunda in difora à noi chì ùn sia dinù in noi, è, listessu ch'è l'Universu hà i so culori, l'ochju hà ancu ellu i soi".
Stu testu face parte di quelli chì anu puntellatu e mo osservazione è l'ozzione ch'o avia pigliatu pè a mo pittura, dendu a preferenza à a restituzione di e mo sensazione o à e sfumature percepite piuttostu ch'è à i culori "oghjettivi" cum'ellu dice Goethe.
Prontu à traduce un paisaghju cù un abbozzu, m'era subbitu parsu interessante di rinfurzà di modu legeru "e sfumature percepite" per memurizalle. U fattu mi permettia di fissà e mo impressione per rifinille dopu in attellu è restituille à un futuru spetatore.
F. de Casabianca
Traduzzione Ghjermana de Zerbi
