Édizioni Éoliennes, 2019
"E pitture mediterranie di Francescu de Casabianca sò appuntu, inde u spiritu di u so autore,
una spezia di mediazione trà stu paisaghju è quellu chì u puderà vede attraversu a so pittura,
attraversu à ciò ch'ellu risente. Sò 'accordi', cum'è in musica s'accordanu note segondu à
un'armunia. È quì, avemu almenu trè note: u paisaghju, u pittore, u spetatore."
Lemnis
"Si pruduce una selezzione più o menu cuscente in ciò chì cumpone un paisaghju, induve steraghju attentu à chjappà è restituì l'emuzione ch'ellu m'hà datu : u guatru ch'o pingu pruverà di traduce ciò ch'ellu m'hà dettu stu paisaghju, cum'è s'ellu m'avessi invitatu à sprimelu inde a lingua di a mo pittura."
F. de Casabianca
"Ricevendu l'effettu d'un paisaghju chì m'hà fattu piantà sinu à u puntu di chjamammi à agguantallu, u mo penseru hè di coglie ciò chì hà fattu nasce l'emuzione in mè, ritenendu l'impressioni essenziali è lascendu da cantu ogni particulare chì puderìa svià l'attenzione di ciò chì hè essenziale."
F. de Casabianca
